من ديوان القدوة الحسنة

الله يزيدكِ عقل يا حبيبتى

يالى شوفتِ الخيبه ما خيبتِ

شايفه بنات حواليكِ مجانين

وإنتِ تقولى عقلى دا هيبتِ

لابسه حجابكِ فاهمه الدين

متمسكه بيه حبل متين

طايعه ربكِ بــ حب حقيقى

مهما تشوفى حواليكِ خايبين

قرآنكِ دستور حافظاه

فى أمور الدنيا مطاوعاه

قلبى حقيقى بيفرح بيكِ

ولسانى بيقول الله

نفسكِ راضيه وبدر بدور

قدوه لــ غيركِ وشكِ نور

والمساحيق والبويه تغور

دا جمالكِ من رب الكون

دايما طايعه أمور دينكِ

وحيائكِ تاج بيزينكِ

لا فى صوت عالى ولا إستهتار

ربنا يزيدكِ ويعينك

يا أعز وأحلى الناس

منصانه وأغلى من الماس

مش فرجه وعندكِ إحساس

الله عليه اللى يفوز بيكِ

فاز بـــ جنه الدنيا يا ناس